உங்களது கலந்தாய்வில் நீங்கள் பல இளம் வயதினரை சந்திப்பீர்கள். ஆனால் இளவயதினருக்கு வேறுபல நலத்தேவைகளும் இருக்கலாம். உங்களது சேவைகள் அவர்களது அனைத்து தேவையையும் நிறைவு செய்வதாக இருக்காது. எனவே நீங்கள் அவர்களை அர்ஷ் கிளினிக் என்று அழைக்கப்படும் விடலைப் பருவத்தினருக்கான இனப்பெருக்க மற்றும் பாலியல் நலமையத்திற்கு பரிந்துரை செய்யவும்.
கருவுற்ற ஒருசில பெண்கள் கருக்கலைப்பு செய்து கொள்ள விரும்புவார்கள். அதற்கு மருத்துவமனையில் உள்ள கருக்கலைப்பு செய்யும் துறைக்கு அவர்களை பரிந்துரை செய்ய வேண்டும். ஒருசில தனியார் கருக்கலைப்பு மையங்களைப் பற்றிய தகவலும் உங்களிடம் இருப்பது நல்லது. ஏனெனில் சில நோயாளிகள் தனியார் மருத்துவமனைகளுக்கு செல்ல விரும்புவார்கள்.
பிரசவத்திற்கு பின் தேவைப்படும் சேவைகள் : உங்களிடம் வரும் பயனாளிகளில் அதிக எண்ணிக்கையில் உள்ளவர்கள் கர்ப்பிணிப் பெண்களாக இருக்கலாம். அவர்களில் ஒருசிலர் பிரசவத்திற்கு பின் உங்களை சந்திக்க வரலாம். அவர்களது தேவைகள் குழந்தை பிறப்பு தொடர்பானதாக இருக்கலாம். ஒரு சிலருக்கு கருத்தடை தொடர்பான உதவி தேவைப்படலாம். இதற்கு உதவுவதற்கு அவர்கள் எங்கெங்கு கருத்தடை மாத்திரைகள், காப்பர் டி, ஆணுறை மற்றும் பிற கருத்தடை சாதனங்கள் ஆகியவற்றை பெறலாம் என்பதை நீங்கள் தெரிந்து வைத்திருக்க வேண்டும்.
பால்வினை நோய் மற்றும் இனப்பெருக்க மண்டல நோய் தொற்றுக்களின் விளைவாக கருவுறுதல் தடைபடலாம். இது குழந்தை பெற வேண்டும் என்று விரும்புபவர்களுக்கு மிக அதிர்ச்சியை கொடுக்கக்கூடிய நிலையாகும். இத்தகையவர்கள் இதற்கான பரிசோதனையை செய்து சிகிச்சையை எங்கு பெறுவது என்று தெரிந்து கொள்வது மிகவும் அவசியமாகும்.
ஆதாரம் : தமிழ்நாடு எய்ட்ஸ் கட்டுப்பாட்டுச் சங்கம்
கடைசியாக மாற்றப்பட்டது : 5/6/2020
ரத்த அழுத்தத்திற்கான ஹோமியோபதி சிகிச்சை பற்றி இங்க...
3 வகை உடல் 6 வகை பருமன் பற்றி இங்கு கொடுக்கப்பட்டு...
இத்தலைப்பில் மருத்துவம், காவல்துறை மற்றும் தீயணைப்...
24 மணிநேரத்தில் உயிரை பறிக்கக் கூடிய கொடிய நோய்கள்...